Lady Gaga “ofendon” rëndë Madonna-n, ja çfarë i thotë

Sherri i parë mes tyre u raportua në 2012 por duket se Lady Gaga ka rinisur përsëri armiqësinë me Madonna-n gjatë një interviste të dhënë së fundmi. Këngëtarja 30-vjeçare ka qënë e ftuar në një program radiofonik për të promovuar albumin e saj të fundit “Joanne”, i cili pritet të publikohet ditën e sotme. Por duket se kjo intervistë ka marrë një tjetër drejtim, në momentin që drejtuesja e programit ka bërë një krahasim mes Lady Gaga-s dhe Madonna-s. Gaga ka reaguar menjëherë duke u shprehur se mes saj dhe Madonna-s ka ndryshime tepër të mëdha. Edhe pse ka thënë se nuk dëshiron të tregohet e pasjellshme me këngëtaren e “Material Girl”, në intervistën e saj ajo ka lënë të nënkuptohet se është shumë më e talentuar se Madonna. “Unë i bie veglave të ndryshme instrumentale. Unë e shkruaj vetë muzikën time. Kaloj orë të tëra në studio. Unë jam një producente. Jam shkrimtare. Këto janë gjërat që na bëjnë ndryshe”, ka thënë aktorja e “American Horror Story”, duke treguar qartë talentet e saj të shumta krahasuar me Madonna-n.