Një portier i shkollës së mesme, i cili është ende duke vuajtur nga një lëndim i cili pothuajse e la atë të vdekur, u zgjua nga koma duke folur rrjedhshëm spanjisht. Rueben Nsemoh ishte duke luajtur futboll muajin e kaluar për një ekip kombëtar në SHBA kur u hodh për te kapur topin dhe një tjetër lojtar e shqelmoi atë në kokë, raportoi WSB TV. Adoleshenti u dërgua menjëherë në spital, ku kaloi disa ditë në koma, shkruan Gazeta Express. Kur më në fund u zgjua nga koma, nëna e tij, Dorah Nsemoh, tha për WSB-TV se djali i saj po fliste spanjisht, diçka që nuk e kishte bërë më parë. Ai nuk është ende në gjendje që të shkojë në shkollë dhe familja e tij është e shqetësuar pasi nuk e di se sa dëm i është bërë atij në kokë nga lëndimi.
