Ka treguar edhe njëherë që është e pazëvendësueshme në muzikën shqiptare. Ndonëse nuk ka qenë shumë aktive me koncerte, Elvana Gjata vërtetoi që i kishte munguar publikut shqiptar dhe klikimet në këngën e saj “Lejla” (më shumë se 300 mijë klikime në You Tube) e tregojnë më së miri këtë. Përpos cilësisë së këngës, Elvana tregon në mënyrën e saj (të kujdesshme dhe aspak vulgare) edhe format e saj fizike. e hipur ne trenin “Lejla” dhe e veshur e gjitha me kamosh, Gjata duket e parezistueshme. Por siç e thotë edhe në fillimin e këngës së saj, “Të pasmet i kam të mëdha por jo për biznes”. Kjo është një “shuplakë” për koleget e saj që kohët e fundit nuk po e njohin sensin e masës, sa i takon zhveshjes në koncerte e klipe…
