Ja sa kohë harxhojnë në Facebook shqiptarët

Një studim i kryer nga Allweb dhe i prezantuar gjatë forumit për teknologjinë dhe komunikimin Tech Reja, i organizuar me rastin e 15-vjetorit të Vodafone Albania, ka sjellë disa të dhëna interesante për përdorimin e Facebook-ut nga shqiptarët, nga një sondazh, i pari i këtij lloji. Në sondazh kanë marrë pjesë 850 përdorues aktivë të Facebook-ut të moshave të ndryshme nga mbi 13 në mbi 40 vjeç. Të pyetur sesa kohë në ditë shpenzojnë në një ditë në Facebook, shumica kanë zgjedhur përgjigjen më shumë sesa 3 orë. Janë 31.5 % e të pyeturëve që i kalojnë të 180 minutat në këtë faqe, ndërsa 18.9 për qind qëndrojnë 2-3 orë në ditë dhe 18.6 për qind 60 min. 21 për qind kalojnë 1-2 orë në FB dhe vetëm 10 për qind mjaftohen me gjysmë ore. Shumica e këtyre përdoruesëve hyjnë në Facebook për të kontaktuar me njerëzit që nuk arrijnë t’I takojnë në jetën reale për të vazhduar me ata që e përdorin FB për t’u informuar dhe vetëm në fund, ata që e përdorin për argëtim. Një pjesë e mirë e studimit është përqendruar në ndjekjen e kompanive dhe faqeve të ndryshme të bizneseve në FB dhe në këtë hapësirë është kuptuar që numri mesatar që ndjek një përson është 55 kompani. Shumica i pëlqen për të marrë informacion për produktet ndërsa varianti më i përhapur i interaktivitetit mbetet butoni i thjeshtë Like, me një rënie në rekomandimin e miqve, ndarjen në faqen e vet apo dërgimit të një mesazhi të drejtpërdrejt. Zhvendosja në kahun tjetër, largimi nga këto faqe, ndodh më shumë, me 36.1 %, kur materiali që ato ofrojnë nuk është më interesant./revistaclass