Njihuni me Sushmita, një guru e kujdesit të flokëve dhe një nga vajzat me flokët më të gjatë dhe të shëndetshëm në Indi. Ajo na jep disa këshilla si flokët tona të rriten më shpejt dhe shëndetshëm.
1. Përdorni lëngun e Aloe Vera-s
Aloe Vera stimulon rritjen e flokëve dhe bën mirë për skalpin e kokës. Nuk ka nevojë të blini kremëra me përmbajtje aloe vera. Prisni gjethen e aloe vera-s, merrini lëngun dhe masazhoni rrënjën e flokëve. Masazhi përmirëson qarkullimin e gjakut dhe lëngu i aloe vera-s përthithet më mirë. Lëreni maskën për të paktën 2 orë.
2. Shpëlani skalpin e kokës me ujë të ftohtë pas dushit
Bëjeni zakon këtë. Uji i ftohtë i mbyll poret dhe përmirëson qarkullimin e gjakut, i cili çon në rritjen më të shpejtë të flokëve. Gjithashtu flokët tuaja do shkëlqejnë më shumë.
3. Lajini flokët me uthull molle
Kjo duhet bërë disa herë në muaj. Uthulla e mollës aktivizon gjëndrat e flokëve dhe është mënyra e duhur për ti pasur flokët e shëndetshëm. Lani flokët, përdorni uthullën e mollës në vend të balsamit dhe mos e shpëlani direkt sepse uthulla e mollës nuk ka erë të fortë.
4. Përdorni maskën me vezë dhe konjak
Vezët janë plot me proteina kurse konjaku përmban tanid i cili ju ndihmon të keni flokë të dendur dhe nxit rritjen e tyre. Merrni dy vezë dhe një gotë konjak. Përzini përbërësit me një pirun dhe vendosini në mikser. Përbërjen aplikojeni në flokë. Shtoni vaj ulliri nëse doni ta përhapni masën në të gjithë gjatësinë e flokut. Kjo do ju japë flokëve butësi dhe krihen më kollaj.
5. Përdorni vajra esencial
Vaj bajamesh, livando, rozmarinë dhe vaj trumze janë vajra që kanë efekt tek gjëndrat e flokëve dhe i pasurojnë flokët me vitamina. Bashkoni këto vajra dhe apikoni maskën në rrënjën e flokëve. Prisni 2-3 orë. Për ti pastruar flokët plotësisht nga maska lajini dy herë.
