Pas martesës, Matt dhe Jessica Johnson bërën diçka që familja dhe miqtë e tyre nuk e prisnin. Ata shitën shtëpinë e tyre, dhanë dorëheqjen nga puna si menaxher dhe financier dhe blenë një jaht të vogël. Ata kanë 4 vjet që shëtisin rreth botës bashkë me macen e tyre. Kanë vizituar 16 shtete duke përfshirë Bahamas, Xhamajka, Kuba dhe Peru dhe nuk kanë ndërmend të ndalojnë. Historia e tyre është frymëzuese. Jessica thotë: “Udhëtimi e ka përforcuar lidhjen tonë. Nuk ke kohë të zihesh kur je në jaht, këtu jemi një skuadër. Më përpara jetët tona ishin stereotipi i një ëndrre amerikane. Ne shkuam në shkollë, më pas në universitet, u martuam, blemë shtëpi dhe filluam një karrierë të suksesshme. Por kuptuam se po harxhonim kohën duke parë thjesht televizor, nuk po bënim asgjë të vlefshme. Nëse do vazhdonim ashtu nuk do kishim asnjë eksperiencë për ta ndarë kur të plakemi. Ne donim ta ndryshonim këtë dhe ja arritëm.”
