Shumë nga ju kanë parë çdo telenovelë të shfaqur nëpër ekranet e televizioneve, kanë parë filma pornografikë dhe nuk ka dyshim që kanë parë çdo seri të “Seksi dhe Qyteti”. Ju, pa dyshim, keni të drejtë të mendoni se dini gjithçka lidhur me seksin. Por e vërteta nuk është kështu! Ka akoma plot gjëra që nuk i dini. Këtë e kuptoj nga pyetjet e pareshtura që ju vetë më dërgoni. Ja disa prej këtyre gjërave:
A është e vërtetë se gratë, ashtu si dhe burrat, ejakulojnë?
Ky është një debat shumë i diskutueshëm, midis doktorëve, seksologëve dhe vetë grave. Por e vërteta është që, shumë gra tregojnë se përpara ose gjatë orgazmës, nxjerrin një lëng që nuk është urinë, dhe nuk është as lëngu që lubrifikon vaginën gjatë aktit seksual. Ky është një lëng i pastër, pa erë, që del nga kanalëzat rreth uretrës së gruas. Sasia e tij është e ndryshme në gra të ndryshme. Sasia varion, nga disa pika, deri në ‘përmbytje’. Ky lëng del si pasojë e stimulimit të vatrës-G. Atë e zbuloi në vitin 1950 gjinekologu gjerman Grafenberg; për nder të tij i vunë emrin “vatra-G”. Deri vonë, kjo vatër shumë e ndjeshme dhe me rëndësi të madhe për jetën seksuale të grave, ishte harruar nga doktorët dhe seksologët, madje, ishte harruar nga vetë gratë. Ajo u rikujtua dhe u vlerësua shumë vite më vonë. Sa shumë gra u ndëshkuan ashpër për shkak të këtij fenomeni! Ato akuzoheshin prej burrave se urinonin gjatë aktit seksual. Kjo ishte një gënjeshtër e madhe. Ejakulacioni femëror është një pasuri e vërtetë seksuale për ato që e kanë. Këtë pasuri mund ta kenë të gjitha gratë dhe vajzat, por duhet praktikë dhe të ndihen të çlirëta gjatë seksit, që ta provojnë, bashkë me partnerin, këtë mrekulli seksuale. Por, ato që nuk e arrijnë dot, nuk duhet të alarmohen.
