I ka dalë nami si kazanova… Ledri Vula: Femrat nuk më marrin më seriozisht

Ledri Vula me publikimin e këngës së re “A jena mirë”, siç e do “adeti” pranon këto ditë ftesat për të qenë i ftuar në çdo emision televiziv, me qëllim promovimin e këngës. Ky është një lloj rregulli i pashkruar që ndjekin vitet e fundit artistët në Shqipëri. I ulur në kolltukun e “Express Rozë”, Ledri u pyet edhe për raportet e tij me femrat. Prezantuesja i tha se ai cilësohet si kazanova e reperi u përgjigj se ky nam që i ka dalë, i ka prishur punë me femrat. “Prej kësaj femrat nuk më marrin seriozisht. Unë jam serioz, nuk jam aventurier”, tha Ledri. Ai u pyet përsëri për ndarjen nga e dashura e tij nga Tirana, Adela Sollaku, por kësaj here nuk pranoi aspak të përgjigjej.