Një studim i kryer në 12 milionë përdorues të Facebook sugjeron se rrjeti social është i lidhur me një jetë më të gjatë, dhe nuk ka rëndësi se sa shumë “pëlqime” i merrni.
Hulumtimi u krye nga hulumtuesit e Universitetit të Kalifornisë në San Diego, transmeton Gazeta Express.
Ai është publikuar sot në “Proceedings of the National Academy of Sciences”. “Bashkëveprimi online duket se është i shëndetshëm kur aktiviteti online është i moderuar dhe plotëson bashkëveprimin offline”, tha William Hobbs i cili punoi në këtë studim.
Hulumtimi konfirmon atë çfarë shkencëtarët e kanë ditur për një kohë të gjatë rreth botës offline – njerëzit që kanë lidhje më të forta sociale jetojnë më gjatë.
