Marianne Friedman-Foote e kalon jetën e saj në “Central Park” në New York, 1 kilometër larg apartamentit të saj 10 milionë dollarësh ku ishte rritur.
Sot ajo është 63 vjeç dhe së bashku me bashkëshortin nuk kanë ku të fusin kokën, por më parë ajo është rritur shumë e pasur, pasi ajo është trashëgimtare e një prej prodhuesve më të mëdhenj të tekstileve në Manhatan, transmeton Jeta Osh Qejf.
Marianne pas vdekjes së nënës së saj, trashëgoi 3 milionë dollarë të cilat i ndau me motrën e saj, por që pas këtij momenti ajo kaloi në depresion dhe mori varësi nga heroina. Gjendja e saj vazhdoi për ditë me radhë deri sa e dëbuan nga apartamenti.
Marianne gjithashtu ka edhe një fëmijë të cilën nuk e ka parë qëkur ishte 3 vjeç, sepse atëherë u nda bashkëshorti i saj i parë që ishte ishte punonjës në FBI.
Tashmë Marianne ka vetëm një thes për tu mbuluar natën dhe bashkëshortin e saj të dytë, i cili më parë ka qenë një punonjës i thjeshtë. Ajo thotë se edhe pse është në këtë gjendje nuk e ka menduar ndonjëherë vetëvrasjen, por nëse s’do mundet t’ia dalë edhe kështu, do të hipë në pemën më të lartë dhe të hidhet.
