Policia e Vlorës ka shpallur në kërkim shtetasin me inicialet V.Ç, pasi dyshohet se ky 41 vjeçar, ka abuzuar seksualisht me vajzën e tij adoleshente. Lajmi konfirmohet nga burimet zyrtare policore, të cilat thanë se burri akuzohet për veprën penale “Marrëdhënie seksuale ose homoseksuale me persona në gjini ose nën kujdestari”. Sipas bluve të Vlorës, V.Ç., dyshohet se ka kryer marrëdhënie seksuale disa muaj më parë me vajzën e tij, shtetasen Xh.Ç., 17 vjeçe, raporton “Panorama”. Kallëzimimin e ka bërë vetë vajza për babanë më datë 04.11.2016. Nuk dihet nëse abuzimi ka ndodhur në këtë moshë apo më herët. Sakaq “Balkan web” shkruan se ditën kur mësoi që ishte shtatzënë, ajo u detyrua të abortojë fetusin me deformime. 17-vjeçarja nga Vlora ka denoncuar në polici se është përdhunuar nga i ati pak muaj më parë dhe fryt i këtij përdhunimi dyshohet se ishte edhe foshnja që mbante në bark. Nën shoqërinë e tezes dhe me ndihmën e nënës ajo ka vendosur të denoncojë të atin monstër në polici. Fetusi i abortuar pritet t’i nështrohet ADN-së, për të zbuluar atësinë, ndërkohë që mësohet se 17-vjeçarja vijon të qendrojë në maternitetin e Vlorës në kushte të rënda psikologjike.
DEKLARATA E NENES
Në një prononcim për News 24, nëna e vajzës tregon për shtatzaninë dhe peripecitë e të bijës deri në abortim por edhe problemet që ka shfaqur më vonë. “Kohët e fundit vajza nuk po ndihej mire, bëri testin, rezultoi shtazënë. Ne e çuam në spital por fetusi ishte me deformime dhe mjekët vendosën që vajza ta abortojë fëmijën. Pas abortit vajza ka paraqitur probleme shëndetësore”, tha ajo.
