Elseid Hysaj, përveçse një lojtar i dashur te Napoli, është shembull edhe jashtë fushës së lojës. Mbrojtësi shqiptar është përzgjedhur nga klubi italian për t’u takuar me një grup prej 25 të rinjsh emigrantë që kanë mbërritur në tokën italiane përmes detit.
Fillimisht ata do të jenë në stadiumin “San Paolo” për të ndjekur ndeshjen me Lacion, ndërsa më pas do të kenë mundësi të takojnë disa prej futbollistëve napolitanë.
Sipas mediave italiane, në këtë takim do të jenë Hysaj, Kulibali e me shumë mundësi edhe Gulam, të tre lojtarë që kanë pasur një të kaluar të ngjashme me emigrantët në fjalë. Babai i Elseidit emigroi nga Shqipëria në Itali me gomone në fillim të viteve ’90./PanoramaSport
