TIRANE/ Tha se e përdhënuan 2 djem, policia: Dyshuese, hakmarrje me ndonjë ish-të dashur

Ende mister rreth të vërtetës së vajzës 22- vjeçare që denoncoi në polici se e përdhunuar dy djem, pasi e rrëmbyen me makinë, teksa ajo ishte duke ecur në rrugë. Policia ka nisur menjëherë hetimet sapo i është marrë kallëzimi të dëmtuarës, ndërsa ka dyshime se autorët ajo mund t’i ketë njohur në “Facebook”. E pyetur për dy autorët, në mënyrë që të jepte ndonjë përshkrim fizik të tyre, 22-vjeçarja ka treguar se nuk e ka parë asnjërin nga personat, pasi gjatë gjithë kohës i ka pasur sytë e lidhur. Burimet thanë se nisur nga kushtet fizike të vajzës, faktit se ajo nuk kishte shenja të dukshme dhune, por edhe faktit që ngjarja është denoncuar të nesërmen, jo atë natë që ka ndodhur, po shihet me dyshime nga ana e policisë, raporton “Panorama”. Nuk përjashtohet mundësia që denoncimi i shtetases E.Q. të jetë edhe ndonjë lloj hakmarrjeje e mundshme ndaj ndonjë personi, që mund të jetë i dashuri apo ish-i dashuri i vet. Megjithatë po kryhen të gjitha hetimet e nevojshme për zbardhjen e rrethanave reale të ngjarjes dhe identifikimin e autorëve.