I ftuar tek ‘Rudina’ gazetari dhe moderatori i sukssesshëm Blendi Fevziu ka folur për herë të parë rreth ndjesive që i ka dhënë ardhja e vajzës së dytë në jetë. Si për cdo njeri dhe për Blendin ka qenë një nga përjetimet më të bukura të jetës së tij të qenit prind, e mbi të gjitha prind i dy vajzave të mrekullueshme. I pyetur për kuptimin e emrit të vajzës Blendi është shprehur kështu: “Alis ka lidhje me emrin e gjyshes sime dhe ne na pëlqeu. Vetëm Misheli, pra vajza tjetër nuk ishte dakort dhe donte emrin Mia, por që gjithsesi nëpër portale ishte përhapur lajmi se bashkëshortja ime ishte bërë nënë e një vajze të quajtur Alis dhe aty ajo kuptoi që emri ishte vendosur”. Gjithashtu Blendi ka treguar se me vajzën e dytë është më i impenjuar dhe i vëmëndshëm, sepse kur është bërë prind për herë të parë ka qenë entuziasmi ai që e ka shoqëruar gjithmonë. Një detaj tjetër interesant ka qenë kur Blendi u shpreh se vajza e vogël i ngjan shumë, madje tani që ka filluar të ecë një nga veprimet që bën shpesh është se merr celularin dhe ecën nëpër shtëpi, ashtu siç bën Blendi kur flet në telefon. E vogla e tij ka një aftësi të jashtëzakonshme për të memorizuar gjërat dhe për të kënaqur kaq shumë dy prindërit. Lidhjen më të fortë ai e ka me vajzën e madhe, e cila tani është rritur dhe është bërë një shoqe shumë e mirë për Blendin. Pasi iu përkushtua Alisës, Blendi vendosi të ndërmerrte një udhëtim 10 ditor vetëm me Mishelin, gjë që nuk rezultoi aspak monotone, por kaluan shumë bukur në praninë e njëri-tjetrit dhe tashmë është diçka që e bëjnë shpesh.
