Mariam Akopyan, që prej shtatorit të këtij viti mban mbiemrin Ndroqi, është emëruar drejtoreshë e përgjithshme e radio-televizionit “Ora News”, i cili është në pronësi të familjes së bashkëshortit të saj, Redon Ndroqi. Dasma e tyre mori vëmendjen e të gjithë mediave për shkak të luksit që e karakterizoi, duke u kthyer kështu në ceremoninë e parë martesore që organizohej brenda Pallatit të Kongreseve. E duket se pas muajit të mjaltit, presidenti i televizionit, vjehrri i saj Ylli Ndroqi, i ka besuar armenes Mariam detyrën e drejtoreshës së përgjithshme të kompanive mediatike që ai zotëron, duke qenë se ajo ka pasur edhe përvoja të mërparshme në menaxhimin e mediave.
