Modeli shqiptar i “GQ” dhe “Versace”, përfundon në “ISIS”

Ledio Mehmeti quhet 24-vjeçari i cili sot e kësaj dite nuk është rikthyer ende në skenë, pasi e braktisi atë në prill 2013, për të shkuar në Siri. Modeli nga Tirana i cili deri në atë kohë numëronte arritjet më të mëdha të ndonjë modeli mashkull shqiptar (përfshirë edhe dalje në revistën GQ dhe Versace), sipas thashethemeve, pësoi një zhgënjim në dashuri, gjë e cila e detyroi të ndërpresë karrierën për t’u rradhitur mes luftëtarëve të ISIS. Ledio kishte pozuar për revistat e markat më të famshme të modës, kryesisht në Kinë, ku fiziku dhe portreti i tij spikati. Por kthimi në atëdhe pas eksperiencës në Azi, duket se rezultoi fatal. Modeli u zhduk krejt papritur dhe shoqëria e tij në atë kohë, hapën fjalë se ai ishte larguar për të luftuar në Siri. Këtë e dëshmojnë dhe dokumentat e publikuar së fundi në media, sipas të cilave, Ledio Mehmeti është kthyer nga Siria, por fakti është se ai nuk u duk më në skenën e modelimit. (Lapsi.Al)