Dëshmitë tronditëse për vrasjen në Fier: E mbante gruan me kokën poshtë nga dritarja e banjos

Vrasja e 43-vjeçares Liljana Ruko tronditi qytetin e Fierit e sidomos dëshmitarët e kësaj ngjarjeje. Një grua e cila banon në hyrje të pallatit, dëshmitare okulare, shprehet se e ka parë të gjithë ngjarjen ndërsa shton se gjithçka ndodhi shumë shpejt. Ajo rrëfen për alb365 se si Ferdinant Ruko e mbante gruan me kokën poshtë nga dritarja e banjës, ndërkohë që ajo ulërinte duke tërhequr vëmendjen e fqinjëve. Këta të fundit, fatkeqësisht nuk kanë mundur të bëjnë asgjë pasi gjithçka ka ndodhur shumë shpejt. “Dëgjova ulërimat, ishte e tmerrshme. Pastaj kur dola jashtë pashë që e kishte nxjerrë nga dritarja… po e mbante varur nga këmbët me kokë poshtë edhe e lëshoi, si thes plehrash e lëshoi…”. Një tjetër qytetar, i cili është taksist, thotë se e njihte autorin e ngjarjes, madje shton se e kishte takuar 3 orë para ngjarjes ndërsa kishte vënë re se ai ishte shumë nervoz. Vetë autori i vrasjes ka pranuar krimin duke thënë se për xhelozi e rraha, zhvesha dhe e hodha nga dritarja e banjës, transmeton JOQ. Çifti kishte dy fëmijë dhe nuk kishin shumë kohë që ishin kthyer në Fier pasi u ishte refuzuar kërkesa për azil në Gjermani.

http://www.dailymotion.com/video/x54d2vy_e-hodhi-gruan-nga-dritarja-e-banjos-flasin-deshmitaret_news#tab_embed