Jeni në pritje të një fëmije, por ende të pavendosur për emrin e tij? Sigurisht, kjo është gjëja më e vështirë për prindërit e rinj, të cilët përpiqen të gjejnë emra sa më të veçantë, domethënës dhe unikë. Për t’ju ardhur në ndihmë, ekserti i emrave Name Berry ka bërë një përzgjedhje të emrave më trendi të vitit 2017.
Emra të fuqishëm
Vitin e ardhshëm prindërit e rinj do të frymëzohen më së shumti nga antikiteti. Rrjedhimisht, emrat e personazheve të mitologjisë do të jenë mjaft në trend. Thor, Persephone, Odin, Freya, Jupiter, Luna, Clio, Orion, Morrigan, Pandora dhe Zeus janë ata më të pëlqyerit, megjithatë mitologjia greke ka pafundësisht mundësi zgjedhjeje. Nuk do ishte çudi, nëse ndonjë bebe e lindur vitin e ardhshëm të quhej Luçifer, apo Kali.
Emra letrar
Me siguri të gjithë duan që fëmijët e tyre të bëhen intelektualë dhe emrat letratë janë tregues për këtë. Ndaj, vitin që vjen nëse jeni në pritje të një fëmije mund të përzgjidhni mes personazheve të librave për fëmijë, si Sawyer, Matilda, Holden dhe Orlando. Mund të zgjidhni edhe mes emrave të autorëve, si Austen, Bronte, Poe, Wilde dhe Zadie.
Emra inspirues
Emri i fëmijës së fundit të familjes Kardashian, Dream, ka arritur të inspirojë një trend për emrat e përzgjedhur nga vistytet pozitive. Përshembull, ju mund ta quani foshnjën tuaj Justice, True, Grace dhe Zen.
Emrat e heroinave feministe
Në Shtetet e Bashkuara nuk arriti të përzgjidhej një presidente femër, megjithatë prindërit e rinj do të vazhdojnë tu vendosin emrat e heroinave feministe fëmijëve të tyre. Kështu, merrni në konsideratë emrat, Ruth (Bader Ginsberg), Simone (de Beauvoir dhe Biles), Emmeline (Pankhurt) dhe Frida (Kahlo).
Emra që fillojnë me O
Emrat që fillojnë me shkronjën O do të jenë mjaft tërheqës vitin që vjen. Olivia, Olive, Ophelia, Oscar, Oliver dhe Owen janë vetëm disa nga shembujt.
Emra të djemve të mençur
Tani që politika po dominohet nga partitë konservatore, emrat e djemve të mençur do të jenë shumë në modë. Nëse prisni një djalë, merrni në konsideratë emrat Brooks, Hayes, Briggs dhe Yates, ndërsa për vajza Sybil, Cora dhe Mary.
Emrat e ujit
Prindrit e aktorit të njohur River Phoenix hapën lojën duke i vendosur djalit të tyre emrin që përkthehet lum. Duket se edhe gjatë vitit 2017, sipas “Harper Bazzar” do të kemi shumë emra që lidhen me ujin, si përshembull Bay, Lake, Ocean, River dhe Nile./class
