Për shumë njerëz është e pamundur të zgjohen plotësisht pa konsumuar një kafe në mëngjes. Trupi në mëngjes stimulon prodhimin e kortizolit, një hormon stresi i cili është përgjegjës për zgjimin. Mirëpo kafja përmban kafeinë dhe nëse në trupin tuaj do të futni kafeinë që në mëngjes, trupi do të fillojë të prodhojë më shumë kortizol, gjë që mund të shkaktojë sasi të tepërt të stresit që në fillim të ditës. Sipas ekspertëve, nuk ka nevojë të pini kafe në kohën kur trupi zgjohet vetë në një mënyrë krejtësisht të natyrshme. Pas një kohe mund të zhvilloni tolerancë për të njëjtën sasi të kafes. Me pak fjalë një filxhan kafe pas një kohe mund t’ju duket shumë pak.
