Edhe pse ndodhet larg Shqipërisë e Kosovës në përgatitje të projekteve të saj, Dafina Zeqiri me shpirt ndodhet këtu. Kjo shihet nga postimi i bërë dje në mbrëmje nga këngëtarja. Dafina ka postuar disa video në Instagram Story dhe në Snapchat duke parë filmin dokumentar të aktores shqiptare Eliza Dushku me titull “Dear Albania”. Dafina ka postuar disa momente nga dokumentari ku shfaqen artistet shqiptare si Rona Nishliu, Aurela Gaçe, vetë Dafina me këngën “Hajde ma knej” dhe “Bloodah” dhe një intervistë e Elizës me ish-kryetarin e bashkisë së Tiranës, Lulzim Basha.
