Samsung Galaxy S7 Edge nesër prezanton variantin Pearl Black

Galaxy S7 Edge do të dalë në treg edhe me ngjyrë të zezë të lustruar. Ai do të lancohet këtë javë. Specifikisht, ngjyra e re do të thirret Pearl Black dhe do të debutojë në Korenë jugore të premten më 9 dhjetor.Përsa i përket specifikave, Pearl Black thuhet se do të jetë i ngjashëm me modelet tjera S7 Edge përveç hapësirës ruajtëse që pritet të paketojë 128GB. Nga fotot e publikuara deri më tani shihet se S7 Edge i zi do të jetë tepër elegant. Samsung ende nuk e ka njoftuar zyrtarisht modelin e ri mirëpo mund të pritet që kjo të ndodhë së shpejti. Ende nuk ka ndonjë informatë rreth çmimit të modelit të ri apo rreth kohës kur ky model do të lansohet jashtë Koresë jugore.