Amber Heard flet hapur mbi dhunën e ushtruar nga Johnny Depp

Amber Heard ka folur për herë të dytë mbi dhunën që aktori Johnny Depp ka ushtruar ndaj saj. Aktorja shkruajti një letër të hapur për temën e revistës Porter. Amber foli mbi eksperiencën e saj duke ju referuar vajzave të cilat kanë përjetuar të njëjtën gjë si “motra të heshtura”. Aktorja sapo është divorcuar nga aktori Johnny Depp pas akuzave se ai e dhunonte. “Ti nuk je vetëm. Ti mund ta kesh përjetuar këtë vuajtje e vetme, por ti nuk je vetëm. Duhet ta dish këtë. Dua t’ju kujtoj fuqinë tuaj, fuqinë e cila më bëri të thyeja dyert pas të cilave qëndroja. Le të fillojmë me të vërtetën e ashpër. Kur një grua vendos të flasë për padrejtësitë dhe vuajtjet e saj, në vend që të respektohet dhe mbështetet, ajo përballet me skepticizëm dhe turpësi. Motivet e saj do vihen në dyshim dhe e vërteta do injorohet. Unë kurrë nuk ndjeva se dikush do më shpëtonte, kështu që më vunë në rolin e viktimës. Duke shkruajtur këtë letër sot, i premtoj çdo femre që vuan në heshtje që nuk është vetëm. Ti nuk na sheh ne femrave të tjera, por ne jemi aty.” -shkruan Amber në letrën e saj.