Jon Tarifa është një nga artistët e rinj që po bëhet i njohur në botë falë talentit të tij. Së fundmi ai ka realizuar një këngë të re ‘Don’t go’, e cila është pëlqyer shumë, madje është shpërndarë dhe nga vajzat e Obamës, me momentet më të bukura të këtij të fundit në Shtëpinë e Bardhë. Në një intervistë për “Ëake Up” në Top Channel, Tarifa ka thënë se kënga fillimisht nuk është nisur për të.
“Kënga është për çdokënd që do t’i thotë dikujt “Don’t go”. Ky version, le ta quajmë politik, me momentet më pikante të Barack Obamës lindi nga Spiros Lena. Ne u kërkuam në rrjete sociale njerëzve të na dërgonin çaste me të dashurit e tyre të zemrës, në mënyrë që në fund t’i mblidhnim në një klip. Po na vinin deri në pesë video në ditë, derisa po aty na mbërriti edhe kjo video që na habiti krejt. Na u duk aq shumë profesionale në montazh sa vendosëm ta shpërndanim menjëherë”,- ka thënë Tarifa.
https://www.youtube.com/watch?v=qtiyAFf9ix4
