Aktori turk Kivanc Tatlitug është bërë së fundi pjesë e fushatës së re të UNICEF-it për edukimin e fëmijëve. Fushata me hashtagun #AcilDurumDersleri, e cila ka përfshirë shumë personazhe të njohur në Hollywood, por edhe në Turqi, tani ka edhe një aktor tjetër mjaft të pëlqyer. Ndër personazhet e njohur të Hollywood-it, që kanë postuar edhe nga profilet e tyre mbështetjen për edukimin e fëmijëve janë: Robert Downey Jr, Liam Neeson dhe Tom Hiddleston. Kivanc Tatlitug, i cili është edhe një prej ambasadorëve ndërkombëtarë të UNICEF-it për Turqinë, ka lënë edhe mesazhin e tij për fushatën “edukim për ҫdo fëmijë”. “Sot, shumë fëmijë shkojnë në shkollë, ndërsa shumë të tjerë nuk kanë mundësi ta ndjekin shkollën ose arsimohen në kushte të vështira. Edukimi është një e drejtë bazike për ҫdo fëmijë. Edukimi është shpresa për të ardhmen. UNICEF punon prej 70-vjetësh për të bërë të mundur që ҫdo fëmijë të ndjekë shkollën. Po e shpërndaj këtë foto për të gjithë fëmijët e guximshëm që vazhdojnë edukimin, pavarësisht vështirësive që u dalin para.” Me mijëra pëlqime dhe mbështetje për këtë fushatë ka pasur edhe nga fansat e Kivanc në rrjetet sociale. Bashkë me foton e aktorit të tyre të preferuar, ata kanë ndarë edhe mesazhin e tij.
