LAJMI I FUNDIT/ Aksident i frikshëm tek Fresku, shoferi i dehur përplas dy makina

Një aksident i frikshëm ka ndodhur pak më parë në zonën e Freskut. Tri makina janë përplasur përballë hyrjes së restorantit me të njëjtin emër. Mësohet se automjeti tip “Mercedes Benz” ngjyrë gri u përplas me dy makina të tjera. Shkak u bë veprimi i gabuar i shoferit, i cili ishte në gjendje të dehur. Në një tentativë të gabuar për të parakaluar, shkaktoi aksident të trefishtë siç shihet dhe ne foton e realizuar nga “Panorama”. Fatmirësisht dëmet janë vetëm materiale. Forca të shumta policore ndodhen aktualisht në vendngjarje.