Gazetarja dhe pedagogia Erenestina Halili, i ka kushtuar një poezi djalit të saj, Kejdit, i cili humbi jetën në një aksident tragjik me motor sëbashku me shokun e tij, këngëtarin Ergi Dini. Në fjalët që ajo shkruan ndihet dhimbja e një nëne, zemra e së cilës është thërmuar. Ajo ka postuar një foto bashkë me të birin ku i shkruan kështu:
“T’randoi ai qerpik,
pa mujtë m’e hapë me m’thanë :
– Nanë, erdh Ora!
Nuk e dveta Zotin tem:
Pse?! Pse?! Pse?!
Se nan qerpik m’the:
-Nanë, mos dvet…!
Unë iu binda fjal’s tande,
Zotit tand e temit…!
Kajherë, dritë e synit tem,
mall po kam me t’pa,
me t’rrokë,
me ta puthë at sy qerpikgjatë,
terr si mbramja e të hanës…
Paj, dert mos ki!
Njatij tandit e temit,
njaty nelt,
nuk mundem m’i mbajtë mni!
N’lutje, t’mban nana n’gji…”
