E ka mbajtur përqafuar për më shumë se një orë, që ajo të mos hidhej nga ura. Por jeta e 24 vjeçares nuk mori fund. Atë e shpëtoi një grua me emrin Vicky Dash, 32 vjeçe e cila ka pikasur situatën dhe ka vendosur të bëjë diçka. Vicky kishte dalë për shopping me dy fëmijët e saj kur pa se në anë të rrugës ishte një vajzë me flokë të kuqe që po tentonte të hidhej nga ura në afërsi të Barham, në Britaninë e Madhe. “U afrova, e pyeta se vjeç ishte dhe se çfarë po bënte, por ajo i afrohej gjithnjë e më shumë bordurës. Kur e kuptova çfarë po ndodhte, e përqafova dhe i thashë se nuk ia vlente, por ajo nuk donte t’ia dinte. Kishte vendosur t’i jepte fund”, ka treguar Vicky. Një tjetër kalimtar i cili ka parë skenën ka njoftuar policinë, teksa Vicky përpiqej që ta qetësonte. Pas më shumë se një ore që ajo nuk e lëshoi vajzën nga krahët, arriti ta bindte që të mos vetëvritej. Ky është fat, të të gjendet pranë njeriu i duhur në momentin e duhur!
Përshtatur nga “Il Messaggero”
