Pas një pauze të gjatë, Kastro Zizo ka vendosur t’i rikthehet prapë muzikës, i cili prej kohësh ishte anagazhuar me programe të ndryshme televizive. Me anë të një postimi që këngëtari ka bërë në rrjetet e tij sociale, ka bërë me dije se së shpejti do të sjellë për publikun shqiptar 3 projekte të reja sëbashku me klipet përkatëse.
“Impenjimet mediatike si dhe një pushim i qëllimtë në muzikë më kanë bërë që të reflektoj më shumë mbi këtë treg relativisht “stallor”! Pas shumë mesazheve nëpër rrjete, e-mail dhe takimeve rastësore fizike, nga njerëz të ndryshëm , më motivuan më shumë që ta bëj një “Taa” sërish. Besoj, ose më saktë shpresoj që para vitit të ri të kthehem me 3 këngë të reja të shoqëruara nga videot përkatëse. Shpresoj te kem ende mbështetjen e publikut. Deri atëherë unë po ha trahna! Flm”
