Rreth 20 vite më parë, Alexandre De Basseville fotograf profesionist, realizoi një set të nxehtë me Melanie Trump. Asokohe as fotografit por as edhe vetë Melanisë nuk i shkonte në mendje se 20 vite më vonë ajo do të ishte Zonja e Parë e Shteteve të Bashkuara të Amerikës. I ftuar sonte në studion e Arian Canit, ai tregoi eksperiencën e tij me modelen e bukur nga Sllovenia, duke e përshkruar si një femër ndryshe. “Në kohën që e fotografova unë Melania nuk ishte e famshme. Ishte 25 vjeçe. Pikërisht në atë kohë u prezantua për herë të parë me Trump. Ishte fundi i epokës komuniste, Muri i Berlinit sapo kishte rënë dhe vajzat e lindjes sapo nisën të vinin. Kishin probleme me ushqimin, ishin me dhëmbë të prishura. Por Melanie ishte ndryshe, ishte gati fizikisht dhe dhëmbët i kishte në rregull. Ajo vinte nga Sllovenia. Kjo më interesoi”, u shpreh ai. “Kishte një natyrë që i kishte gjithnjë përgjigjet gati. Bënte pyetje që nuk ishin normale për modelet dhe për moshën e saj. Ishte shumë e përgatitur”, tha ai më tej për dyshimet se Melania ka qenë një agjente e Vladimir Putin, që sipas thashethemeve dyshohet se çoi në fitoren e Trump falë mbështjetjes së Presidentit të Rusisë”. Pyetjes së Canit nëse fotografi kishte pasur apo jo marrëdhënie seksuale me Melanian ai iu përgjigj: “Unë nuk pëlqej ta përziej jetën time private me punën. Mendoj se ajo ishte gati që të kishim diçka më shumë por unë e refuzova. Nuk është tipi që më tërheq, është shumë plastike”.
