Elton Deda i nxjerr “sekretin” kolegut: Redon Makashi u bëfsh edhe 200!

Duhet të hulumtosh në internet për të zbuluar ditën e lindjes së Redon Makashit. Ylli i muzikës shqiptare, dashuria e adoleshenteve në vitet 90, nuk është dhe aq “tipi” i rrjeteve sociale. Ditën e sotme Redoni feston 46 vjetorin e lindjes por në murin e tij në “Facebook” ka vetëm një urim. Është ai i kolegut e mikut të ngushtë Elton Deda. “Të më bëhesh nja 200 vjeç vëllaçko!! Tani që ta bera urimin, a ka mundësi ta hapesh pak atë dreq celulari se kam një muhabet?”, ka shkruar ai. Pa dashur Eltoni nxorri një “sekret” sot e me siguri pas tij do të vërshojnë dedikimet e miqve e kolegëve. Urimin e dytë publik po ia bëjmë ne, redaksia e “Who”. Edhe 100 të tjera Redon Makashi! Faleminderit për muzikën e mirë!