Djersitja është një proces fiziologjik nëpërmjet të cilit eleminohen lëngjet e tepërta dhe toksinat nga organizmi.
Gjatë djersitjes sekretohen lëndët e dëmshme, siç janë alkooli, kolesteroli dhe kripa, dhe përmirësohet shëndeti kardiovaskular. Ajo ndihmon gjithashtu në ruajtjen e temperaturës së trupit dhe përmirëson shëndetin kardiovaskular. Por përveç stinës së verës, ku djersitja është proces mëse normal, trupi ynë prodhon djersë të tepërta edhe gjatë natës. Shpeshherë fajësojmë temperaturën e lartë të dhomës ku flemë ose shtresën e tepërt, por arsyet janë të tjera.
1.Apnea penguese e gjumit : Apnea penguese e gjumit është një çrregullim i funksionit të frymëmarrjes, e karakterizuar nga ndalesa të frymëmarrjes gjatë gjumit. Si rrjedhojë e mungesës së ajrit , trupi i njeriut djersin. Apnea shoqërohet edhe me shqetësime të tjera si gërhitja, lodhja gjatë ditës, dhimbja e vazhdueshme e kokës apo ndryshimet e humorit.
2.Menopauza : Menopauza shoqërohet me çrregullime hormonale të cilat sjellin djersitje gjatë natës. Gratë në menopuazë shpesh zgjohen me ndjesi mbytjeje dhe besdisjeje të krijuar nga djersitja e vazhdueshme. Përveç djersitjes shumë prej tyre paraqesin edhe çrregullime të tjera si cikël i parregullt, lëkurë e thatë dhe ndryshime të humorit.
3.Sëmundjet tumorale : Nuk duhet të mendoni menjëherë të keqen, po djersitja gjatë natës mund të jetë shenjë paralajëmruese e ndonjë tumori. Lloji më i zkaonshëm i kancerit i lidhur me djersitjet e tepërta gjatë natës është limfoma.
4.Ankthi : Ankthi ose stresi kronik ndikojnë në shfaqjen e djersëve të tepërta. Në raste të tilla është mirë që problemi të kapet që në gjenezë. Terapistët praktikojnë terapi konjitive të të sjellurit dhe ndihmojnë pacientët të ndryshojnë mënyrën e të menduarit.
5.Hipoglicemia : Ndonjëherë nivelet e ulëta të glukozës në gjak mund të shkatojnë djersitje të tepërta. Njerëzit që përdorin insulinë ose ilaçe të tjera antidiabetike mund të përjetojnë hipoglicemi.
