Nëse ndiheni të lodhur, duhet të konsumoni…

Sa herë na ndodh të ndihemi të lodhur dhe të pafuqishëm? Mund të jemi në shkollë, punë apo shtëpi, nuk ka rëndësi, kur ndihemi të pafuqishëm nuk kemi as vullnet dhe për më tepër nuk jemi as produktivë. Zgjidhja është konsumimi i gështenjave. Gështenjat apo ndryshe frutat aromatike me mbështjellës të fortë me ngjyrë kafe të errët, janë burim i shkëlqyeshëm i mineraleve, vitaminave dhe fibrave dhe përveç kësaj, kanë më pak kalori dhe yndyra sesa frutat e tjera arrore. Gështenja e pjekur ka vlerë më të madhe energjike, sasi më të madhe të proteinave, yndyrave, vitaminave E dhe dy herë më shumë sasi të karbohidrateve. Gështenjat janë shumë të mira për ata që vuajnë nga lodhja sezonale, e shkaktuar nga gripi dhe ftohjet e rënda. Janë të dobishme për të kapërcyer lodhjen mendore, mungesën e përqendrimit dhe stresin e fortë.