LAJMI I FUNDIT/ Alarm në New York, evakuohet kulla “Trump”

Frikë në “5th Avenue” në New York, ku “Trump Tower” është dhënë urdhër të evakuohet. Shërbimi i sigurisë ka gjetur një çantë në hollin e kullës. Të gjithë njerëzit që ndodheshin aty janë nxjerrë jashtë me shpejtësi. Ka pasur skena paniku kur njerëzit vraponin për të dalë ndërsa policia jepte alarmin “Jashtë, jashtë!”, raportojnë mediat botërore. Pas gati gjysmë ore policia i ka dhënë stop alarmit dhe ka rihapur kullën. Gjithçka mësohet se ka ndodhur për shkak të një çante të dyshimtë, e cila u zbulua se përmbante lodra.