Tre muaj pas rrëmbimit të Kim Kardashian në Paris, një tjetër personazh publik ka rrëfyer historinë e saj me rrëmbimin që i ka ndodhur në Paris. Supermodelja Naomi Campbell ka rrëfyer ditën e djeshme gjatë një interviste se ajo gjithashtu ka pasur një rast të tillë. Gjatë intervistës ajo tha se shkoi në Paris për të vizituar një miken e saj në 2012. Kur ajo ishte nisur në aeroport kishte vënë re se në makinë nuk ishte i njëjti shofer si gjithmonë. Ajo kishte dyshuar pasi shoferi i kishte mbajtur xhamat e makinës hapur gjatë gjithë rrugës ndërkohë që ishte nëntor dhe shumë ftohtë. Kur Naomi kishte arritur në shtëpinë e mikes së saj, stilistes Alaia, një grup e kishte ndjekur dhe e kishin sulmuar. Ata i kishin hapur derën e makinës dhe i kishin thënë: “Ne do të të vrasim.” Fatmirësisht njerëzit që punojnë në dyqanin e stilistes e kishin parë dhe kishin vrapuar. Naomi i kishte shpëtuar rrëmbimit, por tregoi se nuk do e harronte kurrë atë ngjarje të tmerrshme./revistawho.com
Supermodelja rrëfen rrëmbimin në Paris: Më kërcënuan me vdekje
NGA KATEGORITE E TJERA
Dev by Techzero1.com