Nëse mendoni se yjet e Hollywood-it të ditëve të sotme bëjnë gjithçka për bukurinë, atëherë duhet të lexoni se çfarë bënin yje si Marilyn Monroe, Audrey Hepburn, Grace Kelly etj.
Marilyn Monroe- Që buzët e saj të dukeshin të trasha, makeup artisti i saj aplikonte 5 lloje ngjyrash buzëkuqi dhe shkëlqyesi për të krijuar dimensionin e buzëve të plota. Laps i kuq i errët aplikohej në fillim dhe më pas ngjyra më të zbehta.
Elizabeth Taylor- Si Elizabeth, edhe Kleopatra kishin një të përbashkët. Ato i hiqnin qimet e fytyrës për të pasur një lëkurë si bebe.
Audrey Hepburn – Për të pasur qerpikë të gjatë ajo përdorte një gjilpërë dhe i ndante qerpikët nga njëri tjetri pas aplikimit të rimelit duke krijuar idenë se kishte qerpikë voluminozë.
Carol Lombard – Gjatë karrierës së saj, Lombard u aksidentua me makinë, aksident i cili i shtrëmbëroi hundën. Përpara se të vinte makeup ajo vizatonte një vijë të hollë me laps të bardhë në mes të hundës. Kjo gjë e bënte hundën të dukej e drejtë.
Grace Kelly – Konturimi nuk është teknika më e re dhe nuk është shpikur nga Kim Kardashian. Princesha e Monakos konturonte faqet dhe vendoste të roztë tek faqet, ashtu sikurse veprojmë ne ditët e sotme.
Vivien Leigh – Buzët e trasha kanë qënë gjithmonë të lakmuara. Por jo të gjithë i kanë. Edhe Leigh ishte e pasigurtë për buzën e sipërme të cilën e kishte shumë të hollë. Kështu ajo e vizatonte atë me laps, ashtu siç bëjnë edhe vajzat ditët e sotme.
Rita Hayworth – Aktorja mbahej për flokët e saj onde të kuqe por kishte një sekret pas tyre. Hayworth pas çdo larje i lyente flokët me vaj, më pas i mbështillte me peshqir dhe i linte për 15 minuta. Më pas i shpërlante me ujë të ngrohtë dhe lëng limoni.
Grate Garbo – Që sytë e saj të dukeshin më teatral, aktorja vendoste vazelinë në qepallat e syrit poshtë pluhurit të errët.
Ingrid Bergman – Aktorja përdorte një teknikë që ka qënë shumë e përhapur ato kohë. Ajo rruante një pjesë të flokëve para, që balli i saj të dukej më i madh.
Sophia Loren – Ajo e mbante lëkurën e butë duke u zhytur në vaskë me vaj.
Gloria Grahame – Aktorja e kishte shumë problem buzën e sipërme. Ajo vendoste copa pambuku gjatë roleve të saj që buzët t’i dukeshin më të trasha.
Bette Davis – Vendoste kastravec në kapakët e syve dhe vazelinë në rrathët poshtë syve për të luftuar rrathët e zeza./revistawho.com
