Ka çuditur jo pak largimi i beftë nga puna por edhe nga vendlindja, i një prezantuesi që aktualisht gëzonte kulmin e karrierës së tij. Me një post të konsoliduar dhe një program të mirë televiziv, dukej sikur moderatorit të dashur kosovar Labinot Gashi nuk i mungonte asgjë. Por nuk duhet të ketë qenë kështu. Përmes një deklarate të gjatë mirënjohjeje në Facebook, ai ka njoftuar se ka dhënë dorëheqjen nga puna në televizionin RTV 21 pas 17 vjetësh. Ndërkohë mediat kosovare bëjnë me dije se Labi ka braktisur edhe vendlindjen duke u vendosur në Gjermani. “Kam marrë vendimin aspak të ngutshëm të shkëputem nga puna në TV. Me rëndësi shëndeti e dashnia të na mbajë gjallë” shkruan ndër të tjera prezantuesi./ revistawho.com
