HISTORIA SHOKUESE/ U rigjet në moshën 18 vjeçare, vajza mbron rrëmbyesen e saj

Kamiyah Mobley shpërtheu në lot duke bërtitur “të dua shumë nënë”, në momentin që iu desh t’i thoshte lamtumirë nënës së saj adoptive Gloria Williams. Gloria u arrestua nga policia amerikane sepse rrëmbeu Kamiyah- an nga prindërit e saj biologjik 18 vite më parë, kur ajo kishte vetëm disa orë që kishte ardhur në jetë. Edhe pse prindërit e saj natyrale dhe shumë njërëz të tjerë, të prekur nga kjo histori, nuk kanë reshtur së kërkuari vajzën, ajo është e bindur se nuk do të heqë dorë nga nëna e saj adoptive. Pak orë pas deklarimit të gjetjes së 18 vjeçares, ajo nëpërmjet një postimi në Facebook, mbrojti gruan që e rrëmbeu nga spitali duke shkruar: “Nëna ime më ka rritur duke më dhënë gjithçka kam dëshiruar. Ajo nuk është një kriminele.”. Ndërkohë që prindërit e saj biologjikë janë shumë lumtur për gjetjen e saj, Kamiyah i është besuar një avokati dhe vetëm ajo mund të vendosë se kur do të takojë prindërit e saj natyrale.