FOTO/ Lëkundet e gjithë Shqipëria, bien disa tërmete. Ja ku ra më i fuqishmi

Disa tërmete kanë rënë në Shqipëri gjatë natës duke u gdhirë dita e sotme. Të dhënat vijnë nga instituti i Sizmiologjisë në Itali. Këta bëjnë të ditur se tërmeti më i fortë ka qenë prej 3.6 gradë të shkallës Rihter dhe ka rënë në kufi me Kosovën. Tërmeti ka rënë në thellësinë prej 5 kilometrash në tokë, ndërsa sipas italianëve janë paralajmëruar banorët, por në fakt një gjë e tillë nuk ka ndodhur në realitet. Lëkundje nuk janë ndjerë vetëm në veri të vendit. Sipas Institutit të Sizmiologjisë së Europës dhe Mesdheut, një tjetër tërmet prej 3 gradë të shkallës Rihter ka rënë në Gjirokastër. Një tjetër tërmet që ka rënë ka qenë edhe prej 2.9 gradë i shkallës Rihter i rënë në detin Adriatik, jo shumë larg nga brigjet shqiptare. Një aktivitet i tillë tërmetesh kishte kohë që nuk ndihej në Shqipëri, ndërsa autoritetet zyrtare nuk kanë dhënë asnjë lloj informacioni në lidhje me këto ngjarje. /SYRI.net