Ditët e sotme është e pamundur mos të kesh një selfie në fotot që mban në celular pasi është trendi më i përhapur i të bërit fotove. Përveçse studimet kanë treguar se të bërit selfie ndikon në gjendjen tuaj psikologjike, nga ana tjetër ata kanë ndarë edhe 3 mënyrat sesi i bëjmë ato.
1.Selfie-t komunikuese
Personat që postojnë këto selfie mundohet të komunikojnë me të tjerët me anë të fotos. Për shembull gjatë zgjedhjeve për president në Amerikë, shumë të famshëm postuan foto me bluzat “Unë votova”, duke i komunikuar kështu të tjerëve të votojnë shkruan revistawho.com. Një ndër to ishte Lady Gaga. Edhe Leonardo DiCaprio, i cili poston shpesh foto me kauzë mjedisore, hyn tek kategoria e selfie-ve komunikuese.
2.Selfie-t autobiografike
Në këtë kategori hyjnë njerëzit të cilët i përdorin selfie-t si një mjet për të dokumentuar jetët e tyre. Studimi përshkruan se në këtë kategori hyjnë personat të cilët duan të nxjerrin foto që të tjerët t’i shohin, por që nuk kanë nevojë për komunikim si kategoria e parë. Persona të tillë janë për shembull astronauti Scot Kelley i cili publikoi disa selfie nga hapësira shkruan revistawho.com. Ose blogerja Chiara Ferragni e cila publikon selfie nga aktiviteti i përditshëm, veshje, ushqime apo udhëtime.
3.Selfie-t reklamuese
Këtu hyjnë personat të cilët pëlqejnë shumë të tregojnë të gjithë jetën e tyre. Ata përpiqen ta prezantojnë veten e tyre në një mënyrë pozitive si për shembull Taylor Swift e cila poston foto nga eventet apo modelet Gigi dhe Bella Hadid, dhe sigurisht Kardashianët.
Ku e gjetët veten ju?/revistawho.com
