Pink ka qënë e pranishme në programin “Good Morning America”, ku ka bërë publik lajmin se ajo është përzgjedhur si ambasadorja e re për UNICEF.
Në një intervistë të dhënë për revistën amerikane “People”, këngëtarja 36-vjeçare ka treguar se ishte vajza e saj 4-vjeçe, ajo që e frymëzoi atë të përfshihej në këtë projekt në mënyrë që ta “përdorë gojën e saj të madhe për gjëra të mira”.
“Pikënisja ishte vajza ime sepse unë jam një nënë”, ka thënë Pink për “People”. Pink do të shërbejë si zëdhënëse e një iniciative të re të organizatës e titulluar “Kid Power”. Qëllimi i kësaj fushate është frymëzimi i të rinjve për t’u bërë sa më aktiv dhe të shëndetshëm. Pink e ka treguar se është një femër shumë aktive dhe kjo është arsyeja që ajo mund të shërbejë si një motiv i mirë që njerëzit të bëhen sa më aktiv.
/TopAlbaniaRadio
