Policia angleze nëpërmjet një deklaratë për mediat ka zbuluar incidentin që i ka ndodhur Granit Xhakës në aeroportin më të madh të Londrës.
Incidenti i dyshuar ka ndodhur të hënën në mbrëmje, disa orë pasi ylli zviceran ishte ndëshkuar me karton të kuq në fitoren e Arsenalit kundër Burnley.
Një dëshmitar i habitur ka deklaruar se ylli 24-vjeçar i Arsenalit, Granit Xhaka ka ofenduar mbi baza racore një anëtar të stafit në gjermanisht, pasi një miku të tij i ishte ndaluar fluturimi për në Gjermani.
Xhaka u paraqit vullnetarisht në një stacion policie në perëndim të Londrës për t’u pyetur.
Ai mohon akuzat racore për anëtarët e stafit apo edhe të ketë folur me personin gjoja të përfshirë.
Në deklaratë Policia thotë: “Policia thirri në 7.29pm të hënën më 23 Janar pas një pretendimi se një anëtar i stafit ishte abuzuar me sharje racore në aeroportin Heathrow Terminalin 5. Pretendimi është bërë nga një palë e tretë. Zyrtarët morën në pyetje një burrë në të 20-tat e tij dhe nuk u arrestua. Ai u paraqit vullnetarisht në një stacion policie në perëndim të Londrës, ku ishte intervistuar me kujdes. ”
Një zëdhënës i Arsenal ka thënë për Daily Star Online se: “Gjithë ajo që mund të themi është se kjo mbetet një çështje private dhe është në duart e policisë.”
