Aktorja e njohur Tuba Buyukustun e njohur si “Elif” nga seriali “Diamante dhe dashuri” i transmetuar vitin e kaluar në TV klan ka marrë një vendim shumë të rëndësishëm. Ajo ka vendosur të divorcohet nga bashkëshorti i saj, aktori Onur Saylak. Sipas mediave turke aktorët kanë autorizuar avokatët e tyre për të nisur proçedurat e divorcit. Çifti janë të martuar prej 5 vitesh dhe kanë dy vajza të vogla, Maya dhe Toprak. Vajzat janë bërë edhe shkak i ndarjes pasi aktorët kanë marrë oferta të shumta për seriale dhe njëri duhej të kujdesej për fëmijët. Të dy aktorët dhanë përgjigje pozitive për të marrë pjesë në seriale dhe kështu ka nisur kriza në martesën e tyre. Aktualisht Tuba po luan në serialin “Cezur ve Guzel” përkrah aktorit Kivanç Tatlitug, ndërsa Onur në serialin “Vatanim Sensin”. Tuba dhe Onuri u dashuruan në xhirimet e filmit “Asi” dhe janë martuar në 2011. Pas 5 vitesh ata po i japin fund martesës.
Tuba dhe Onur në dasmën e tyre në 2011
