FOTO PREKESE/ Pleqëri e vështirë për Robert Ndrenikën, artisti i madh mban radhën vetëm në spital

Sigurisht që pleqëria është e vështirë për këdo. Sigurisht që na vjen keq kur shohim çdokënd që në moshë të thyer ka mbetur vetëm ndonëse shëndetligë. Por kjo pozë është padyshim ajo që mund të na prekte më shumë se çdo rol tjetër i tij… Zotëria që shikoni në foto, është me gojën plot një artist i madh. Po a ka vlerë të jesh artist i madh në Shqipëri? A janë mirënjohës shqiptarët? Më herët ju njoftuam se shfaqja “Mendohu mirë, Xhakomino” me protagonist të madhin Robert Ndrenika është shtyrë, për shkak të gjendjes jo të mirë shëndetësore të aktorit. Pak orë më vonë, një aktor i ri ka publikuar këtë foto, që tregon gjendjen e Ndrenikës. Jul Deda ka shpërndarë foton duke shkruar: “Profesor Robert Ndrenika, modest, me peshën e viteve mbi supe, duke pritur radhën në ambientet e spitalit të vendit të tij, i braktisur. P.s. Ky artist i madh ka lindur në vendin e gabuar”. E dimë që çdo qytetar duhet respektuar e trajtuar njësoj, ama ndoshta Ndrenika të paktën favorin për të mos pritur në radhë e meriton. E meriton shumë me tepër se dikush që ka “X6” apo mik ministrin e doktorin… Të shkuara gjigand! Ti nuk je vetëm!/ revistawho.com