Rrëfehet Rita Lati: Si e rrita Rozën e vetme, ja çfarë ka marrë nga i ati

Në një rrëfim të mbushur me batuta dhe humor, Rita Lati krijoi shumë atmosferë në studion e Rudina Magjistarit pasditen e sotme. Ajo fli për fillesat e saj, tregoi se kishte ëndërruar këngën por jeta e drejtoi për tek aktrimi. Aktorja e suksesshme e humorit tha se të bijën Roza e ka rritur e vetme por nuk i ka munguar asgjë. Lati deklaroi se nuk donte që vajza e saj të bëhej aktore, por gjithsesi Roza zgjodhi rrugën e famës. Jam femër që kam përballuar gjithçka e vetme. Ia vlejti, ta rris Rozën siç dua unë, të bëj karrierë dhe ta shoh veten në pasqyrë e t’i them: “Sa bukur sot moj Rita”. Perballova çdo gjë falë talentit tim. Koha punoi për mua dhe Rozës nuk i mungoi asgjë. Nga unë ka marrë spontanitetin ndërsa karakterin e fortë e ka marrë nga i ati. është perfeksioniste si ai. Ka marrë gjërat më të mira të babait të saj”, u shpreh Lati. Akorja tha se tashmë e bija jeton vetëm, por pavarësisht vetmisë nuk e ndjen nevojën për të pasur një partner. “Të gjithë pleqtë vdesin për mua. 70 vjeç e lart janë të mitë”, iu përgjigj Rita me shaka Rudinës kur e pyeti se pse nuk krijon një raport të ri. “Nuk është momenti të lidhem dhe s’e ndjej nevojën. Dua lirinë time. Ndoshta më vonë. Nuk e mendoj fare këtë pjesën. Jam e mbushur”, deklaroi Lati./ revistawho.com