Mediat maqedonase: Në Shkup u vranë dy vetë për Adelina Tahirin; Këngëtarja: S’është e vërtetë

Natën e së mërkurës në Shkup pas një përplasjeje me armë zjarri kanë humbur jetën dy persona dhe është plagosur një i tretë. Kështu rreth orës 23:00 në kryeqytetin e Maqedonisë gjetën vdekjen Nebush Nuishi dhe Qani Murtezani. Mediat maqedonase shkruajnë se molla e sherrit që çoi në vrasjen e të rinjve është pikërisht këngëtarja Adelina Tahiri, mirëpo nuk specifikojnë se për çfarë bëhet fjalë konkretisht. Këngëtarja ka reaguar lidhur me ngjarjen e rëndë duke mohuar gjithçka. Në një komunikim të shkurtër për “Opinion.al” Adelina ka thënë se këto lajme nuk janë aspak të vërteta dhe se nuk është vrarë askush për të. Këngëtarja siguron se e vërteta do të bëhet shumë shpejt publike.