Nga debati i tri ditëve më parë në Komisionin Hetimor midis Shkëlzen Berishës dhe Taulant Ballës, që u komentua gjerësisht në media, duket se ka mbetur “keq” vetëm ky i fundit. Shkëlzeni jo vetëm që e ka marrë me sportivitet të gjithë situatën, por midis çiftit e kanë kthyer edhe në batutë çështjen e “betimit”. Në fakt gjithçka nisi nga një meme humoristike e publikuar në rrjetet sociale, ku shënohej se djali i ish-Kryeministrit Berisha betohet vetëm para Arminës. Blogerja bukuroshe e ka ngacmuar partnerin e saj duke i kërkuar betimin. “Vetëm nëse del nga makina”, – i është përgjigjur me shaka Shkëlzeni. Ai përdori të njëjtin kusht që i vuri Ballës, të cilit i tha se duhet të largohej nga Komisioni pasi është i dënuar për shpifje ndaj tij, e për pasojë ka konflikt interes. “Kam ndryshuar taktikë”, – i thotë ai Arminës. Po nëse Armina do t’i kërkonte të betoj për dashuri, jemi të sigurtë që Berisha nuk do të hezitonte aspak.
