“A bombi” e Dhuratës huazohet nga këngëtarja bullgare (VIDEO)

Janë bërë gati dy vite që nga lancimi i këngës “A bombi” nga Dhurata Dora. E përveç kufijve shqiptar kjo këngë mori përmasa të mëdha duke u dëgjuar edhe jashtë territorit. Mirëpo, duket se përveç pëlqimit për ta dëgjuar atë, ajo u pëlqye edhe për t’u huazuar. Sipas Prive këngëtarja bullgare Maria, këngën e Dhuratës e ka kthyer në këngën e saj. “Obicham da rezha” titullohet kënga që në shqip do të thotë “E dua besimin tuaj” dhe nuk dihet se a kanë qenë vet autorët e këngës në shqip që i kanë dhënë lejen për huazim, pasi një gjë e tillë nuk përmendet nga këngëtarja bullgare. Projekti në gjuhën bullgare është publikuar para katër ditëve.