Moderatorja e “Për’puthen”, Megi Pojani, ishte e ftuar këtë të hënë në emisionin “Shqipëria Live”, ku fillimisht komentoi zhvillimet më të fundit të Keijsit, Stelinës dhe Inës në “Big Brother VIP 5”. Por biseda mori një kthesë krejt tjetër sapo u prek tema e jetës së saj personale.
Prej ditësh, në rrjet po qarkullon një deklaratë e Sinan Hoxhës, sipas së cilës Megi pritet të martohet më 12 gusht. E pyetur drejtpërdrejt nga moderatorja Sidorela Gjoni, Megi vendosi t’i japë fund zërave, duke sqaruar se kjo verë nuk është në planet e saj për një dasmë.
Por momenti më i papritur i intervistës erdhi kur biseda kaloi te motra e saj, Ina, e cila po përgatitet të bëhet nënë për herë të parë.
Pjesa më e drejtpërdrejtë e bisedës që ngjalli reagime ishte shkëmbimi i mëposhtëm në studio:
Megi: “Njerëzit duan të dinë nëse do të martohem më 12 gusht?”
Sidorela: “Po”
Megi: “Si mendon?”
Sidorela: “Sinani thotë që po”
Megi: “Unë Sinan Hoxhën e takova për herë të parë atë ditë, nuk e kisha takuar në jetën time kurrë, a mendon se do ja kisha dhënë atë ekskluzivitet Sinan Hoxhës?”
Sidorela: “Artiola Toskës do ia kishe dhënë për shembull me shpirt, unë që të njoh”
Megi: “Dhe a mendon që do martohesha me 12 gusht? Kurrë, unë në gusht nuk dal jashtë”
Sidorela: “Po mund të martohesh me 12 qershor”
Megi: “Po ne po ecim me lajmin 12 gusht, jo as në qershor, prill dhe maj më duket një kohë e mirë”
Sidorela: “A do martohesh këtë verë?”
Megi: “Jo, dua ta kem situatën shumë nën kontroll, më duhet kohë për të bërë përgatitjet, asgjë e minutës së fundit nëse bëhet fjalë për diçka kaq të rëndësishme sa është dasma.”
Biseda u zhvendos më pas te shtatzënia e motrës së saj, ku Megi, mes emocionesh, u përpoq të sqarojë një keqkuptim:
Sidorela: “Nuse jo, por për të qenë teze është totalisht gati”
Megi: “Po, dy, iiii, teze po, motra ime do bëjë një vajzë”
Sidorela: “Do bëjë një apo dy”
Megi: “Jo nuk janë binjakë, motra ime do bëjë vajzë”
Sidorela: “Sa probleme i hape vetes”
Megi: “Shumë probleme i hapa vetes dhe nuk dua të flas më. Ina do bëhet me fëmijë dhe do ketë një vajzë. Jam shumë e lumtur dhe me zor po pres. Kam blerë vaskën e bebit, në shtëpinë time kam bërë gjërat gati.”
Sidorela: “Dy?”
Megi: “Një vajzë, mendonim në fillim se do ishin binjakë po nuk janë, kjo ishte arsyeja e ngatërresës.”
