“West Side Family” janë kthyer fuqishëm me hitin e tyre “Beso”. Të ftuar sot në programin “Pasditja Ime” të Eraldo Rexhos, ata kanë folur rreth projekteve të tyre të reja që mesa duket në 2018-tën pritet të jenë të shumta.
I pyetur nga gazetari Rexho nëse do ta shtojnë grupin e tyre, Landi Hysi ka thënë: “’West Side Family’ ka funksionuar në fillim me Florin dhe Mirin e më pas u bashkova unë. Kemi qenë karaktere të ndryshme si në skenë ashtu edhe në jetë. Kjo ka qenë arsyeja pse funksiononim. Ne nuk do ta shtojmë grupin, thjesht do të punojmë me vëllain e Dr.Florit, Albanin i cili është i karikuar këto kohë për të bërë muzikë shumë të mirë”.
Nga ana tjetër ata kanë rrëfyer se do të kenë gjithashtu edhe bashkëpunime me artistë të tjerë, duke veçuar këtu Aurela Gaçen që siç e theksoi edhe Miri me të kanë një bashkëpunim të përhershëm./revistwho.com
