A do të jetë Teuta Krasniqi pjesë e dasmës së Bleros dhe Afronës?

Ditët kalojnë dhe pak nga pak po afron dhe dasma e shumëpritur e Bleros dhe Afrona Dikës. Dyshja ka vendosur t’i japë fund beqarisë në datën 21 shtator, në një ceremoni me 600 të ftuar. Por a do të jetë dhe Teuta e pranishme në këtë ditë të rëndësishme për ish-bashkëshortin e saj? Gjatë një interviste për ‘Kosova Show’, Teuta ka zbuluar se nuk do të jetë në dasmë, pavarësisht se marrëdhëniet e saj me Bleron dhe Afronën janë të mira. “Jo nuk do ishte mirë, jo për shkak të raportit se ne i kemi shumë njerëzore, normale dhe brenda kornizave, mirëpo në këtë rast kjo është diçka familjare dhe kudo në botë do dukej e çuditshme”, është shprehur ish-bashkëshortja e këngëtarit. Kujtojmë se arsyeja se Blero dhe Teuta vazhdojnë të kenë një marrëdhënie shumë të mirë, është vogëlushja e tyre Tara. Ata kanë qenë bashkë për disa vite dhe u ndanë në mënyrë të papritur pas disa problemesh që ende nuk janë zbuluar për publikun./revistawho.com